Në kërkim për shtëpinë e barit në Bërdicë, arrestohet 31-vjeçari nga Shkodra

Policia e Shkodrës ka arrestuar një 31-vjeçar i cili ishte shpallur në kërkim gjatë një operacioni antidrogë të zhvilluar një vit më parë Bërdicë ku u zbulua një shtëpi bari.

Në pranga u vu shtetasi E. N., 31 vjeç, banues në Shkodër.

Gjykata e Shkallës së Parë e Juridiksionit të Përgjithshëm Shkodër i ka caktuar 31-vjeçarit, masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Ky shtetas akuzohet se ka bashkëpunuar me 3 shtetas të arrestuar në flagrancë, gjatë operacionit, për të përshtatur katin e dytë të një banese trekatëshe në fshatin Bërdicë, për kultivimin e bimëve narkotike cannabis sativa, me pajisje elektrike. Në kuadër të operacionit, Policia arrestoi edhe 5 punonjës të OSHEE-së, për veprën penale “Shpërdorimi i detyrës”.

Gjatë operacionit të zhvilluar 1 vit më parë në banesën që ishte përshtatur për kultivimin e bimëve narkotike, janë gjetur dhe sekuestruar 1200 fidanë dhe 730 bimë narkotike, pajisje të ndryshme elektrike për kultivimin e tyre, 1 armë zjarri dhe municion luftarak.

LEXONI GJITHASHTU:

• Sekuestrohen mallra me vlerë 25 000 euro në Vlorë, arrestohet 34-vjeçari
• I shpallur në kërkim ndërkombëtar nga Zvicra, arrestohet në Morinë 56-vjeçari