Policia e Krujës ka arrestuar 2 vëllezër të shpallur në kërkim për vepra të ndryshme penale.
Në kuadër të operacioni të koduar koduar “Brothers”, si rezultat i të cilit janë kapur dhe ndaluar shtetasit në kërkim: A. Ç., 21 vjeç dhe G. Ç., 27 vjeç (vëllezër), të dy banues në Krujë.
Shtetasin A. Ç., Gjykata e Apelit e ka dënuar me 3 vjet e 4 muaj burgim, për veprat penale “Vjedhja me armë”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”, si bashkëpunëtor në vjedhjen me armë, të një shume parash, në një karburant, në fshatin Arramerras, në vitin 2021.
Gjithashtu, dyshohet se në bashkëpunim me vëllanë e tij, shtetasi G. Ç., më datë 07.04.2024, kanë goditur me grushte shtetasin S. D. dhe më pas kanë qëlluar me armë zjarri, në ajër, për motive të dobëta.
LEXONI GJITHASHTU:
- Fushë Krujë| Sherr me thika në gjimnaz, 17-vjeçari transportohet drejt spitalit
- Përplasen 3 automjete në Fushë-Krujë, plagosen 2 punonjës të OSHEE
