Në shkurt ulet çmimi i energjisë! ERE shqyrton kërkesën: Kush përfiton

Çmimi i energjisë elektrike pritet të ulet nga data 1 shkurt. Që nga viti 2014, familjarët paguajnë në faturën mujore kilovatët e harxhuar me cmimin 9.5 lekë pa TVSH ose 11.4 lekë me TVSH, dhe cmimi ka mbetur i pandryshuar megjithë ulje-ngritjet që kanë prodhuar krizat apo mirëmanaxhimi brenda një dekade.

Por, qeveria mendon se me rritjen e prodhimit vendas, arkëtimeve dhe uljen e humbjeve në rrjet, sot është e mundur që cmimi të ulet.

Për të realizuar këtë mundësi, vendimin përfundimtar do ta marrë Enti Rregullator i Energjisë, i cili po  shqyrton aplikimin që ka çuar OSHEE, për çmimin e ri të shitjes me Pakicë për Klientët e Shërbimit Universal.

Euroneës Albania mëson se ulja e çmimit do të prekë vetëm kategorinë e konsumatorëve familjarë, ndërsa bizneset dhe institucionet do të vazhdojnë të paguajnë më cmimin e sotëm.

Vendimi që do të marrë ERE do të përfshijë periudhën shkurt- dhjetor të këtij viti, ndërsa cmimi i ri do të caktohet brenda kësaj jave.

Ndryshimi i tarifave që paguajnë familjet për energjisë elektrike, u lajmërua nga ministrja e Infrastrukturs dhe Energjisë, Bleinda Balluku, ditën e parë të vitit 2025.

LEXONI GJITHASHTU:

• Belinda Balluku: Viti 2025 plot sfida, do ulim çmimin e energjisë
• Ndërtohet tuneli i Murrizit, Balluku: Kur pritet të hapet për qarkullimin e mjeteve