Në Shqipëri nuk ka media që mund të sfidojë Ramën, thotë gazetari nga Kosova

Gazetari nga Kosova Xhemajl Rexha thotë se gazetarët në Shqipëri nuk e kanë aftësinë ta sfidojnë kryeministrin Edi Rama.

Në një intervistë për Euronews Albania ai u shpreh se ndryshe nga çfarë ndodh në Shqipëri, gazetarët në Kosovë insistojnë dhe i bëjnë pyetjet e tyre pa pasur ndonjë lloj hamendje nëse do të kritikohen për këtë nga opinioni publik apo mediat kur punojnë.

“Ka shumë pak media që i bëjnë pyetje që atij nuk i pëlqejnë, duhet të jenë më insistues. E dimë koncentrimin medial të mediave në Shqipëri. Gazetarët në Kosovë insistojnë dhe i bëjnë pyetjet e tyre pa pasur ndonjë lloj hamendje nëse do të kritikohen për këtë nga mediat ku punojnë. Kanë raste që e kanë ndjekur nëpër arë për diçka që nuk ka lidhje me situatën. E dimë që politikanët bëhen nervozë kur pyetjen për gjëra që nuk kanë lidhje me konferencën, por ne i inkurajojmë kolegët tanë të insistojnë”, u shpreh gazetari.

LEXONI GJITHASHTU:

• Dita botërore e lirisë së shtypit, Meta: Media në Shqipëri, nën censurën e Qeverisë dhe oligarkëve
• Gjiknuri flet për mediat në Shqipëri që po paguhen nga Rusia