Në tregun e hapur rajonal fermeri shqiptar falimenton, pretendon ekspertja

Ekspertja e ekonomisë Teuta Nunaj Kortoçi tha për “Mirëmëngjes” në Euronews Albania se ndihma që po u jepet fermerëve është me pikatore.

Sipas saj nëse qeveria merr politikën e jashtme të dyerve të hapura që do të thotë ekzistenca e një tregu, duhet të ndërmarrë dhe politikën e mbrojtjes së fermerëve që ai të mund të përballojë tregun.

Nunaj Kortoçi u shpreh se vendet e rajonit janë më të zhvilluara dhe solli në vëmendje se nëse flasim për tregti të lirë që prej vitit 2016 Shqipëria është me minus sa i takon bilancit tregtar. 96 milionë janë importe dhe rreth 30 milionë janë eksporte, pra bëhet fjalë për një hendek.

“Fermerin tonë nëse ne nuk e subvencionojmë te nafta, nëse ne nuk e ndihmojmë që ai të organizohet në njësi të mëdha, që të çojë në uljen e kostos, nëse nuk e ndihmojmë në rritjen e cilësisë fermeri ynë do të falimentojë dhe nuk do ta përballojë dot sistemin e tregut,” – deklaroi ekspertja e cila e cilësoi të pambrojtur e të pafuqishëm fermerin shqiptar.

LEXONI GJITHASHTU:

• 0,3 për qind e buxhetit të shtetit për bujqësinë, thotë eksperti