Nën akuzë për vdekjen e 24 pacientëve, mjeku jep 1 mln euro garanci për lirinë e tij

Kardiologu i njohur maqedonas, Zhan Mitrev, njëherësh pronari i spitalit privat me të njëjtin emër, ka dhënë 1 milion euro duke siguruar autoritetet se nuk do të largohet nga Maqedonia e Veriut.

Lajmin e bëri të ditur Prokuroria Publike Themelore e Shkupit këtë të mërkurë, shkruan REL.

Kundër Mitrevit po zhvillohen hetime lidhur me dyshimin për mashtrim të pacientëve në spitalin e tij privat, “Zhan Mitrev”.

Nga prilli i vitit 2020 deri në vitin 2022, me qëllim të përfitimit të mjeteve financiare, dyshohet se ai ka mashtruar pacientët që po trajtoheshin me COVID-19 me metodën e hemofiltrimit, procedurë kjo joligjore që ka çuar, sipas autoriteteve gjyqësore, në vdekjen e 24 personave.

Kallëzime penale kundër spitalit privat të kardiokirurgjisë, “Zhan Mitrev”, në Shkup të Maqedonisë së Veriut, kanë ngritur edhe tetë familje tjera që kanë humbur të afërmit e tyre, në mesin e të cilave edhe familje nga Prishtina.

Për shkak të rrezikut për arratisje, Zhan Mitrevit i është konfiskuar pasaporta në muajin gusht.

LEXONI GJITHASHTU

• Sa paguhen mjekët në Gjermani?
• Eksodi masiv i mjekëve drejt Gjermanisë, 3500 të larguar në 10 vitet e fundit
• Çmimi Nobel në Mjekësi i jepet shkencëtarit suedez