Deputeti i PD Asllan Dogjani ishte të premten sërish në Prokurorinë e Posaçme, ku po hetohet për modeklarim pasurie pas kallëzimit ndaj tij nga ana e një ndërtuesi.
Në një deklaratë për mediat pas daljes nga SPAK, Dogjani i cili ishte bashkë me banorët e pallatit, pronësia e të cili është bërë shkak për hetimin, tha se ai ka denoncuar korrupsionin e kadastrës.
Dogjani u shpreh se i ka kërkuar interpelancë edhe kryeministrit Rama për grabitjen e pronës në mes të Tiranës në bashkëpunim me Kadastrën.
“Siç e shihni unë sot kam ardhur me banorët dhe ish-pronarët e pallatit ku jetojmë, sepse për këtë kam ardhur edhe sot dhe një kopje të akteve i mora me CD. Këtu kam edhe një dosje që ja kam çuar ambasadorëve sepse komuniteti shqiptar nuk funksionon. Kam kërkuar interpelanca, kam bërë debate në parlament. I kam kërkuar kryeministrit Rama në lidhje me grabitjen e pronës publike por ajo çfarë më bën përshtypje është se unë si deputet denoncoj për grabitjen e pronës me korrupsion se edhe Kadastra ka marrë pjesë në legalizim, kam denoncuar publikisht grabitjen e pronës në mes të Tiranës në bashkëpunim me kadastrën e kemi kallëzuar në prokurori”, tha Dogjani.
LEXONI GJITHASHTU:
- Deputeti i Partisë Demokratike Asllan Dogjani, paraqitet në SPAK
- Çfarë ndodh pas protestës së PD, deputeti Dogjani tregon skenarët
