Nëna e të dënuarit Gentian Zoto pas shpërthimit në Vlorë: S’kam konflikte me askënd

Pas shpërthimit të ndodhur mbrëmjen e 29 nëntorit në portën e banesës së 63-vjeçares Bakie Zoto, në lagjen “Partizani” të Vlorës, vetë e moshuara ka reaguar duke thënë se ngjarja e ka habitur plotësisht. Ajo jeton e vetme dhe deklaron se nuk ka pasur konflikte me askënd.

Nga pamjet e siguruara, vihet re dëmtimi i fasadës së derës ku ka shpërthyer lënda plasëse. Fatmirësisht, nuk ka të lënduar, por vetëm dëme materiale.

“Vetëm jetoj. Erdhi dhe policia. Më shumë u bë tym. Jo fare asnjë konflikt. Kam kaq vite këtu në lagje. Nuk e di, jam habitur dhe vetë”, u shpreh Bakie Zoto.

Ndërkohë, nën drejtimin e Prokurorisë, policia po vijon hetimet për identifikimin dhe kapjen e autorëve, si dhe për zbardhjen e plotë të rrethanave të ngjarjes.

LEXONI GJITHASHTU:

• Eksplozivi në banesën e 63-vjeçares në Vlorë, e moshuara është nëna e Gentjan Zotos
• Shpërthim me lëndë plasëse në Vlorë para portës së një banese