Nenad Rashiqi zgjidhet nënkryetar, konstituohet pas 8 muajsh Kuvendi i Kosovës

Kryetari i Kuvendit, Dimal Basha, e shpalli Kuvendin e Kosovës të konstituuar pasi Nenad Rashiqi u zgjodh nënkryetar i Kuvendit nga pakica serbe.

Me 71 vota pro, 9 kundër dhe 24 abstenime, ai u bë njëri nga pesë nënkryetarët e Kuvendit të Kosovës.

Përveç votave nga deputetët e Lëvizjes Vetëvendosje dhe disa prej deputetetëve të komuniteteve joshumicë joserbe, ai siguroi edhe votat e deputetëve të Lidhjes Demokratike të Kosovës.

Deputetët e Partisë Demokratike të Kosovës dhe ata të Aleancës për Ardhmërinë e Kosovës abstenuan, ndërsa Lista Serbe votoi kundër.

Dimal Basha, i hodhi poshtë kritikat për mënyrën e konstituimit të organit ligjvënës, duke thënë se procedura e zgjedhjes së Nenad Rashiqit nënkryetar, ka qenë “plotësisht e rregullt” dhe pas kësaj e deklaroi të mbyllur seancën konstituive të Kuvendit të Kosovës.

LEXONI GJITHASHTU:

• Gjykata e Prishtinës dënon Dibran Hoxhën për rastin e vrasjes në “Kobra City”