“Nëse ju pushton Putini, ejani në Shqipëri”, Zogaj: Ishte shaka pa kripë e Ramës

“Nëse ju pushton Putini, ejani në Shqipëri”, kështu ka thënë Kryeministri Rama i cili ndodhet në një vizitë zyrtare në Britaninë e madhe. Këtë Preç Zogaj e ka cilësuar si një shaka pa krip dhe tregues të një humori në krizë.

Sipas Zogaj pala britanike i ka ofruar një kredi afatgjatë Shqipërisë për trajtimin e problemeve që lidhen me emigracionin ilegal, ndaj ai i shikon pa vend batutat e kryeministrit, ndërsa shton se nuk duhet bërë shaka me kërcënimet që vijnë nga Rusia.

“Mu duk shaka pa krip. Pala britanike i ka ofruar një kredi afatgjatë Shqipërisë për trajtimin e problemeve që lidhen me emigracionin ilegal dhe me kthimin e të burgosurve, të cilën Shqipëria po refuzon ta marrë. Dëmi është bërë, gjithë këto vite me emigrantët. Nuk është shaka, kërcënimet që vijnë nga Rusia nuk janë shaka, mund të gjendeshin referenca të tjera për të bërë ironi. Është treguesi i një humori në krizë”,-tha për Euronews Albania, Preç Zogaj.

LEXONI GJITHASHTU:

• Zgjedhjet e 14 majit, Preç Zogaj: ‘Lufta’ bëhet për vendin e dytë dhe të tretë
• Rama përplaset me gazetarin në Britani: Nuk thuhet Kosovo, por Kosova