Eksperti i sigurisë Drizan Shala ishte këtë të mërkurë i ftuar në një lidhje direkte për Euronews Albania ku ka komentuar zhvillimet e fundit në rajon, e kryesisht ato që lidhen me Serbinë dhe me Kosovën.
Sipas tij Vuçiç po tenton të krijojë hapësirë kohore për manovrime politike të brendshme, pasi mendohet se mund të ndodhin organizime properëndimore, të cilat mund të sjellin edhe rënien e tij nga pushteti.
“Mbetet për tu parë efekti boomerang që mund të ketë në kontekstin e Ballkanit Perëndirmor, në kontekstin e shteteve në të cilat është i influencuar tutje interesi i Serbisë, pasi nëse i referohemi statistikave të elementeve të dyshtetësisë, të cilat po aplikon dhe implementon Beogradi zyrtar në Malin e Zi në Bosnjë e Hercegovinë, mund të themi që ka rritje të qytetarëve që janë mbi 33% qoftë në Republikën Srpska edhe në Malin e Zi.
Pra kjo është një luftë sensitive e cila bëhet përmes elementëve të ndryshme dimensional për të arritur pozicionimin e asaj botës serbe. Serbia pavarësisht zhvillimeve të brendshme ditore, mujore apo vjetore, janë po në një kuadër të të njëjtës strategji, pasi interesi jetik, bazik do të mbetet krijimi i botës serbe, përmes elementëve të ndryshëm brenda shteteve ku është prezente, ndërsa nga vende si Kosova të arrijë sa më shumë përfitime”,-tha Shala.
LEXONI GJITHASHTU:
- “Grenell i afërt me Serbinë”, publicisti nga Kosova: Ka marr dekoratë nga Vuçiç
- Sanksione amerikane ndaj industrisë së naftës në Serbi, flet Vuçiç: Jam informuar
