Nëse viti bëhet online 80 mijë studentë janë të humbur, thotë ish-ministri arsimit

Ish-ministri i Arsimit Myqerem Tafaj deklaroi në Euronews Albania se nëse edhe ky vit akademik vijon online 80 mijë studentë do të bëhen një brez i humbur për shkak të njohurive të humbura.

“Studentët që kanë diplomuar këtë vit master, kanë diplomuar pothuajse online. Studentët që janë këtë vit në master në vit të dytë kanë bërë gjysmën e studimeve online. Studentët që janë në bachelor në vit të tretë këtë vit, kanë bërë dy të tretën e studimeve online, ata që janë në vit të dytë kanë gjysmën. Tani në këto kushte kur kaq është efiçenca e mësimit online ne nuk mund të gënjejmë veten dhe të themi që po përgatisim studentët,” – tha Tafaj.

Ish-ministri tregoi se UNESCO vitin e kaluar botoi një raport dhe tha që janë 800 milionë nxënës dhe studentë në gjithë botën që po bëhen një brez i humbur. Sipas tij ky raport përfshinte dhe thirrjen ndaj qeverive që të siguronin një plan rimëkëmbje për të nxënin e studentëve.

Myqerem Tafaj theksoi rëndësinë e vaksinimit duke thënë se ky proces është rruga më e sigurt për të siguruar shëndetin e studentëve dhe vazhdimësinë e vitit akademik.

Studentet e kanë ngritur si problem dhe as studentët, as pedagogët, as shoqëria nuk pranon që të kemi një brez të humbur, tha ish-ministri.

LEXONI GJITHASHTU: 

• Priten protesta nga studentët, paralajmëron pedagogia Kuçana
• Studentët duan të vaksinohen, por shumica preferojnë “Pfizer”
• Në auditore dhe me një dozë, 50% e studentëve në Universitetin e Tiranës të vaksinuar