“Nesër regjistrohen 360 studentë”, Çomo: Pandemia tregoi se bota ka ‘uri’ për mjekë

Zv/Dekania e Fakultetit të Mjekësisë, Najada Çomo, në një intervistë për Euronews Albania tha se pandemia tregoi se në Shqipëri dhe në botë ka një ‘uri’ të madhe për mjekë, infermierë, e fizioterapistë.

“Gjithë mjekësia në vetvete është e kërkuar. Pandemia tregoi se ka një uri të madhe në mbarë botën për  mjekë, infermierë, fizioterapistë, dhe të gjithë fushën e mjekësisë, farmacia e stamatologjia. Janë degë të preferuara, të vështira dhe degë që kërkojnë investim dhe nga ana humane për të punuar dhe brenda këtyre profesioneve”- u shpreh ajo.

Çomo tha se ditën e nesërme do përfundojë regjistrimi i 360 maturantëve në Fakultetin e Mjekësisë.

“Ju siguroj që nesër mjekësia përfundon regjistrimin e plotë të 360 studentëve. Tregu për fushën mjekësore do të mbetet një treg  i hapur.“- theksoi ajo.

LEXONI GJITHASHTU:

• Rreth 28 mijë aplikime në Fakultetin e Mjekësisë, thotë Najada Çomo