“Nesër rrezikojmë përmbytje”, drejtori i gatishmërisë emergjente shpjegon situatën

Drejtori i gatishmërisë emergjente, Robert Hysenllari tha në një intervistë për Euronews Albania se pritet mot me reshje të dendura dhe intensive në vijim në vendin tonë.

Ai u shpreh se reshjet më të forta të shiut do jenë në qarkun e Shkodrës dhe Kukësit. Më pas për nga intensiteti renditen Dibra dhe Lezha.

Sipas Hysenllarit do të ketë një rritje të prurjeve në lumenjtë e mëdhenj dhe të mesëm, konkretisht në Drin, Bunë, Mat dhe Vjosë.

“Parashikohet që mund të shkaktohet përmbytje nga lumi Drin dhe Buna,” – u shpreh Hysenllari.

LEXONI GJITHASHTU:

• Rikthehen reshjet në Shkodër, rrëshqitje dherash dhe rrugë të bllokuara
• Përkeqësohet moti në vend, Peleshi: Reshje shumë intensive në Kukës e Shkodër