Nesturi: Kosova s’po prodhon asgjë, pse nuk e pranon Ballkanin e Hapur?

Analisti Plator Nesturi e cilësoi mendjengushtësi nga ana e qeverisë së Kosovës refuzimin e propozimit që vjen nga Shqipëria për t’iu bashkuar Ballkanit të Hapur.

Në emisionin Now në Euronews Albania Nesturi sugjeroi që Kosova të mbështesë një politike aktive që të mbrojë jo vetëm interesat e vendit, por edhe të qytetarëve të cilët sipas tij janë sot më të izoluar se kurrë për shkak të politikave të gabuara.

“Nuk shoh që Kosova ka prodhuar ndonjë politikë tjetër, ndonjë iniciativë tjetër, dhe ngelet shteti më  izoluar në Evropë, jo për faj të saj por edhe për faj të saj. Duhet një politikë aktive, që të mbrojë jo vetëm interesat e vendit por edhe qytetarëve. Kemi një brez të ri që është më i izoluar se prindërit e tyre që lëviznin pa viza. Të jesh kaq i vëmendshëm për të thënë jo për gjithçka vjen nga Shqipëria nga po të vijnë të gjitha marrëveshjet, për mua tregon mendjengushtësi”, tha Nesturi.

LEXONI GJITHASHTU:

• Kosova nënshkruan marrëveshje me Turqinë për transportin ajror
• ​Kosova miraton 2 propozim-vendime lidhur me marrëveshjen Kosovë-Shqipëri