Nga fëmijët tek të moshuarit, vijojnë protestat në gjithë Rusinë

Protestat kundër luftës po vijojnë në gjithë Rusinë nga të gjitha grupmoshat.

Ata janë kundër vendimit të presidentit Putin, i cili sipas tyre ka vepruar pa marrë në konsideratë mendimin e popullit. Tani është koha që t’ju dëgjohet zëri.

Policia ruse synon të mbyllë çdo mospajtim publik kundër sulmit në Ukrainë. Efektivët i mbyllin protestat po aq shpejtë sa ato hapen, ndonjëherë duke dhunuar protestuesit e herë të tjera duke i arrestuar.

Anëtarët e “inteligjencës” ruse, përfshirë këtu akademikë, shkrimtarë, gazetarë dhe të tjerë, kanë lëshuar një thirrje publike kundër agresionit. Ata shkruan një letër drejtuar Putin të nënshkruar nga 1 200 studentë dhe stafi i Universitetit MGIMO. Instituti Shtetëror i Marrëdhënieve Ndërkombëtare në Moskë (MGIMO), i lidhur me Ministrinë e Punëve të Jashtme, prodhon pjesën më të madhe të qeverisë ruse dhe elitën e shërbimit të jashtëm.

Nënshkruesit deklarojnë se janë “kategorikisht kundër veprimeve ushtarake të Federatës Ruse në Ukrainë”.

“Ne e konsiderojmë moralisht të papranueshme të qëndrojmë mënjanë dhe të heshtim kur njerëzit po vdesin në një shtet fqinj. Ata po vdesin për fajin e atyre që preferuan armët në vend të diplomacisë paqësore,” thuhet në letër.

LEXONI GJITHASHTU:

• ‘Putin nuk është Rusia’, Navalny bën thirrje për protesta masive