Disney+ ka publikuar një dokumentar të quajtur “The Pope Answers”, i cili paraqet një takim që Papa Françesku pati me 10 persona në fillim të të 20-tave në vitin 2022.
Në këtë dokumentar Papa u pyet për seksin, personat LGBT+, abortin e shumë të tjera.
Ati i Shenjtë i cilësoi marrëdhëniet seksuale si “një nga gjërat e bukura që Zoti i ka dhënë njeriut”.
86-vjeçari tha se personat LGBT+ ishin të mirëpritur në kishën katolike. Papa u pyet gjithashtu nëse ai e dinte se çfarë është një “person jo-binar”, dhe ai u përgjigj pozitivisht.
“Të gjithë njerëzit janë fëmijë të Zotit, të gjithë njerëzit. Zoti nuk refuzon askënd, Zoti është baba. Dhe unë nuk kam të drejtë të përjashtoj askënd nga Kisha,” u shpreh ai.
Për abortin, Papa Françesku tha se priftërinjtë duhet të jenë “të mëshirshëm” ndaj grave që kanë ndërprerë shtatzëninë, por tha se kjo praktikë mbetet e papranueshme.
LEXONI GJITHASHTU:
- Papagajtë bien në dashuri, jo vetëm me njeri-tjetrin por edhe me të zotin e tyre!
- “Jam ende gjallë”, shakatë e Papa Françeskut teksa del nga spitali