Avokati Kreshnik Çollaku tha në emision Review në Euronews Albania se pronat kadastrale nga Llogaraja në Qeparo nuk janë regjistruar pasi nuk ka një hartë për zonën.
Sipas tij të gjitha certifikatat e dhëna nga kryeministri janë nul pasi nuk janë bazuar në një hartë kadastrale.
“Pashë kryeministrin si drejtor i përgjithshëm i kadastrës duke bërë politikë. Nga Llogaraja deri në Qeparo zonat kadastrale nuk janë regjistruar, që të lidhet akti i pronësisë me hartën. Këto lloj certifikatash janë nul se s’mund të bësh regjistrim sporadik pa pasur një hartë. Ti ja jep këtij, por shtëpinë e ka dikush tjetër, duhet ndërtuar harta për 21 fshatra, nuk duan ta bëjnë hartën, 11 vjet në pushte s’e kanë bërë. Për bregdetin ka një politikë të rrezikshme, ka shkuar në Dhërmi dhe ka regjistruar me ishull dhe parcelën e këtij investitorit strategjik e pajis me certifikatë. Të gjitha certifikatat e lëshuara aty janë nul, duhet ndërtuar një herë harta”, tha avokati.
LEXONI GJITHASHTU:
- Rama nga Himara: Poshtërsi të thuash që pronat e qytetarëve u jepen oligarkëve
- Rama: Ju shqiptarët e Italisë nuk i ndërruat emrat forcërisht siç ndodhi në Greqi
