Nga viti 2023 duhet të rezervosh për të hyrë në Venecia

Nga 16 janari 2023, për të vizituar Venecias, turistët do të duhet të paguajnë nga 3 deri në 10 euro.

Udhëtarët që planifikojnë të vizitojnë qytetin historik  do të duhet të regjistrojnë vizitën e tyre. Për turistët që qëndrojnë në hotel gjatë natës, çmimi i biletës do të përfshihet në akomodim.

Kjo është një nga mënyrat që autoritetet e qytetit italian mendojnë të zgjidhin problemin e mbi turizmit,

Çmimi i biletës nuk do të jetë fiks, por do të varet nga numri i vizitorëve: sa më shumë aplikime, aq më e lartë është kostoja.

Tarifa e hyrjes do të zbatohet për qendrën historike të Venecias dhe disa ishuj. Disa udhëtarë ditorë përjashtohen nga pagesa e tarifës së hyrjes, megjithëse do t’u duhet ende të rezervojnë. Këtu përfshihen banorët e rajonit të Veneto, studentët dhe ata që vizitojnë anëtarët e familjes në qytet.

Gjobat për ata që nuk kanë bileta do të variojnë nga 50 deri në 300 euro.

Qëllimi i një lëvizjeje të tillë sipas zyrtarëve  nuk është mbyllja e qytetit, por për të detyruar njerëzit të rezervojnë për të reduktuar “turizmin e tepërt”.

LEXONI GJITHASHTU:

• Venecia spraps propozimin për taksimin e turistëve
• Venecia do të vendosë një tarifë hyrje për turistët