Ngjarja në uzinën e Gramshit, Rusia kërkon zyrtarisht ekstradimin e spiunes ruse

Rusia ka kërkuar zyrtarisht ekstradimin e ruses Svetlana Timofoeva, e arrestuar në vendin tonë pas sulmit të ndodhur në uzinën e armëve në Gramsh.

Prokuroria pranë Gjykatës së Shkallës së Parë Elbasan ka marrë nëpërmjet Ministrisë së Drejtësisë, kërkesën zyrtare të autoriteteve gjyqësore të Federatës Ruse për ekstradimin e saj.

Timofeeva është person i shpallur në kërkim në Rusi për veprën penale të “Marrje e paligjshme e informacionit që përbën sekret shtetëror”, parashikuar nga pika “a”, paragrafi 2 të nenit 283 të Kodit Penal Rus.

Vetë shtetasja ruse, nuk e ka dhënë pëlqimin e saj për ekstradimin në Rusi.

Timofoeeva mbahet në burg qe nga data 20 gusht e këtij viti.

Ngjarja:

Dy rusët, Svetlatana Timofoeva, Mikhail Zorin dhe ukrahinasi Fiodor Mihailoviç u arrestuan ne date 20 gusht kur ndodhi edhe incidenti në uzinë.

Tre personat po fotografonin ambientet e uzinës ndërsa përpiqeshin të hynin brenda saj, u pikasën nga ushtarët shqiptarë që u kërkuan që të ndalonin.

Mikhail Zorin sulmoi ushtarin duke e spërkatur me një spraj të dyshuar kimik. 3 personat u arrestuna dhe ndërkohë u sekuestrua makina me të cilën lëviznin.

Tashmë mbi ta rëndon zyrtarisht akuza e “Dhënia e informatave sekrete”, dhe “Sigurimi i informatave”. Gjykata ka vendosur ndaj tyre masën e sigurisë “arrest me burg”.

LEXONI GJITHASHTU

• Ngjarja në uzinën e Gramshit, Rusia kërkon ekstradimin e spiunes Svetlana Timofoeva
• ‘Spiunët’ e Gramshit apelojnë Gjykatën e Elbasanit, nuk pranojnë akuzat
• ‘Spiunët’ mbeten në burg/ Gjykata e lartë rrëzon rekursin e dy rusëve dhe ukrainasit