Një 29-vjeçar shqiptar ka qenë protagonist i një ngjarjeje të rëndë në Gjermani, ku ka kërcënuar me hanxhar efektivët e policisë në një komisariat në qytetin e Rheinland-Pfalz.

I riu shqiptar ka vrapuar drejt derës së komisariatit “Am Konvikt”, me hanxhar në dorë dhe ka tentuar të hyjë në godinë.

Sipas mediave gjermane ngjarja e rëndë ka ndodhur rreth orës 02:40 të mëngjesit të kësaj të premteje.

Shqiptari ka mundur të kalojë portën e parë por është bllokuar në derën e dytë që mund ta lejonte të hynte në godinë.

Zëdhënësi i policisë Jürgen Fachinger u shpreh se 29-vjeçari kërcënoi se do të vriste kolegët në komisariat.

Punonjësit e policisë mbyllën hyrjen kryesore duke e izoluar shqiptarin në korridor dhe duke e arrestuar më pas.

Një dëshmitare okulare e cili kishte nxjerrë qenin e saj për shëtitje, pa gjithë skenën e ndodhur në komisariatin e policisë.

Ajo e përshkroi armën që mbante shqiptari si diçka të ngjashme me një shkop bejsbolli. Por policia konfirmoi se ishte një hanxhar.

Ende nuk dihen motivet që e shtyn të riun shqiptar drejt një agresioni të tillë ndaj policisë gjermane.