Zyrtarisht sot nis edicioni i 86-të i kampionatit shqiptar të futbollit. 2 ndeshjet e para që do të ngrenë siparin e këtij sezoni të ri do të jenë Dinamo-Egnatia dhe Teuta Bylis, me të dyja përballjet që do të luhen në mbrëmje.

Dinamo do i pres kampionët në fuqi të Egnatias në stadiumin “Elbasan Arena” me qëllimin që të bëjnë surprizën e parë, por edhe të konfirmojnë ambiciet për një sezon ndryshe këtë vit ku synojnë që të rivalizojnë për titullin kampion.

Në përballjen tjetër, Teuta e mbijetuar në ndeshjet e fundit sezonin e shkuar do të pres të rikthyerit në Superligë, Bylsin që këtë sezon synon që të qëndrojë mes më të mirëve të futbollit shqiptar.

Tre ndeshjet e tjera të javës së parë të Superligës do të luhen të hënën. Laçi pret Tiranën, Partizani përballet me Vllazninë, ndërsa të rikthyerit në elitë, Elbasani udhëtojnë drejt Korçës për të sfiduar Skënderbeun.

Edhe ky edicion i Superligës do të jetë më të njëjtin format si vitin e shkuar, ku 4 ekipet që kryesojnë tabelën pas 3 fazave të para të kampionatit do të luajnë mes tyre për titullin kampion.

LEXONI GJITHASHTU:

• Dështimi i radhës në Europë: Asnjë ekip i Superligës, eliminohen Partizani e Egnatia
• Joan Laporta: Superliga Evropiane nis në vitin 2025, 14 skuadrat pjesëmarrëse