Dështimi i radhës në Europë: Asnjë ekip i Superligës, eliminohen Partizani e Egnatia

Dështimet e futbollit shqiptar në arenën evropiane nuk kanë fund, e për të gjetur një dritë jeshile, duhet të kthejmë memorjen vite pas, aty ku Skënderbeu shkruante historinë, duke u kualifikuar në grupet e Europa League. Korçarët edhe pse të dënuar nuk kanë humbur asgjë, madje ka gjasa që rikthimi i tyre të jetë edhe më i suksesshëm, duke parakaluar për të dytën herë në garën me stafetë ekipet e tjera të kampionatit shqiptar.

Le të kthehmi në fillim gusht të 2024-ës ku asnjë ekip nga Superliga nuk ka arritur dot të kalojë në raundin tjetër të Conference League. Si Partizani ashtu dhe Egnatia u eliminuan, duke treguar dhe një herë tjetër, që janë shumë larg kualifikimit në grupe. Në Loro Borici, rrogozhinasit u shtangën nga Vikingur Reykjavik me ndeshjen që u mbyll në shifrat 0-2 pas autogolit të Dylis dhe Thrandarson që dyfishoi. Edhe pse fitoi minimalisht në transfertë, Egnatias nuk i mjaftoi një gol të kalonte më tej.

Në Elbasan radha ishte për Partizanin që barazoi pa gola ndaj Iberias, por peshon humbja 2-0 në Gjeorgji, ku edhe nënkampionët e Shqipërisë i japin lamtumirën Evropës.

LEXONI GJITHASHTU:

• Cilat janë shtetet që u ndaluan të marrin pjesë në Lojërat Olimpike?
• Dita e tretë e Olimpiadës: Azia udhëheq sa i përket medaljeve