Nikolla përshëndet vendimin e AP të NATO-s për avancimin e statusit të Kosovës

Kryetarja e Kuvendit të Shqipërisë, Lindita Nikolla, ka përshëndetur votimin nga Asambleja Parlamentare e NATO-s të rekomandimit për avancimin e statusit të Kosovës nga anëtare vëzhguese në anëtare të asociuar të AP.

Nikolla tha se delegacioni i përhershëm i Kuvendit të Shqipërisë në Asamblenë Parlamentare të NATO-s do të vijojë të mbështesë e nxisë rritjen e rolit dhe kontributit të Kosovës për mbrojtjen e paqes.

Ajo tha gjithashtu se Sukseset e Kosovës janë edhe të Shqipërisë dhe anasjelltas.

“Votimi nga Asambleja Parlamentare e NATO-s i rekomandimit për avancimin e statusit të Kosovës nga anëtare vëzhguese në anëtare të asociuar të AP është një arritje e merituar.

Delegacioni i përhershëm i Kuvendit të Shqipërisë në Asamblenë Parlamentare të NATO-s do të vijojë të mbështesë e nxisë rritjen e rolit dhe kontributit të Kosovës për mbrojtjen e paqes.

Sukseset e Kosovës janë edhe të Shqipërisë dhe sukseset e Shqipërisë janë edhe të Kosovës”, është shprehur Nikolla.

LEXONI GJITHASHTU:

• Nikolla mesazh në ditën e lindjes së Skënderbeut: Mbrojtës i Kontinentit të Vjetër
• Shqipëria del nga sistemi i monitorimit të KiE, Nikolla: Tregon arritjet e reformave