Nis gara për Avokatin e Popullit, kandidatët paraqesin platformat në Kuvend

Kuvendi i Shqipërisë ka nisur procedurat për zgjedhjen e Avokatit të Popullit. 15 kandidatët kanë nisur seancën dëgjimore në Komisionin e Ligjeve.

Kandidatët janë:

1. Lefterije Luzi
2. Alket Jaupi
3. Besim Ndregjoni
4. Robert Gajda
5. Endri Papajorgji
6. Sokol Hazizaj
7. Drita Avdyli
8. Ilir Rusmali
9. Vitore Tusha
10. Dardan Mustafa
11. Edison Frangu
12. Erald Aga
13. Tartar Bazaj
14. Bledar Dervishaj
15. Ahmet Prençi

Gazetarja e Euronews Albania, Eksiola Shehu raportoi se një pjesë e kandidatëve kanë aplikuar edhe vitin e kaluar për postin 5-vjeçar, ku procesi nuk u finalizua me sukses duke qenë se palët nuk ranë dakord.

“Ditën e sotme do të zhvillohen vetëm seancat dëgjimore, ndërsa në ditët në vijim do të jetë Komisioni i Ligjeve i cili do të kalojë disa nga kandidatët që plotësojnë edhe kriteret. Më pas, në mënyrë që emrat e kandidatëve të bëhen pjesë e parlamentit për t’u votuar, do t’i duhet që të mbështeten një kandidat me të paktën 28 firma të deputetëve,” – u shpreh Shehu.

LEXONI GJITHASHTU:

• Skandal në azilin e Shkodrës, avokati i popullit: Gjetëm ilaçe të skaduara
• Avokati i Popullit, Bushka: Javën e ardhshme Kuvendi pritet të hapë procesin