Mbrëmjen e të martës në sheshin “Italia” në Tiran, u festua Dita Kombëtare italiane.

Atmosfera u ndez nga këngëtarja e njohur Marsela Çibukaj, zëri i së cilës përcolli melodi që evokojnë thelbin e kulturës italiane.

Mes atmosferës me muzikë dhe nën qiellin e ndriçuar me yje, të pranishmit përjetuan një udhëtim përmes kulturës dhe trashëgimisë italiane.

Të pranishëm në këtë koncert ishin dhe zyrtarë italianë por dhe shqiptarë të cilët shijuan natën e kulturës italiane dhe tingujt e muzikës së saj.

Deri më datë 8 qershor java Kulturore Italiane do të jetë e mbushur me aktivitete që përfaqësojnë thelbin dhe më të mirën e kësaj kulture që admirohet nga e gjithë bota dhe është një nga lokomotivat e kulturës së njerëzimit.

Në kuadër të kësaj jave, e pranishme ditën e sotme në vendin tonë ishte dhe kryeministrja Georgia Meloni, e cila u prit nga homologu shqiptar Edi Rama.