Nis punën akademia “Dyrrah City”, dhjetëra fëmijë leksione nga teknitët e Man Cityt
Akademia e futbollit “Dyrrah City” tanimë nuk është më një ëndërr, por realitet i prekshëm për të gjithë fëmijët e apasionuar pas futbollit. Hapi i parë ishte ai i kësaj të enjte ku 50 trajnerë nga kryeqyteti dhe dhjetëra fëmijë të talentuar patën fatin të marrin pjesë në një leksion të drejtuar nga teknikët e mirënjohur të akademisë së Manchester Cityt Gavin Rhodes dhe Andy Smith.
Një event në të cilin morën pjesë dhe zëvendësministri i arsimit dhe sportit Endri Hoxha, Sekretari i Përgjithshëm i FSHF Ilir Shulku dhe administratori i akademisë Gjergj Ndoci.
Ky bashkëpunim i qeverisë shqiptare me “City Group” nuk ishte i lehtë, por është i frytshëm për futbollin shqiptar.
Sinkron Endri Hoxha“Për të sjellë akademinë city nuk qe e lehtë, falë bashkëpunimit me Durrës Marine dhe bashkinë Durrës, si dhe FSHF. Kemi sjellë të parët e Evropës, jo vetëm për të atashuar Dyrrah Cityn, por eksperiencën e tyre me akademitë në Shqipëri”.
Sekretari i përgjithshëm i FSHF, Ilir Shulku gjithashtu ka vlerësuar këtë projekt.Sinkron: Ilir Shulku
“Të gjithë këto aktivitete do ti shërbejne zhvillimit të futbollit në Shqipëri. FSHF i mbështet të gjitha këto bashkëpunime, sidomos të këtyre niveleve”.
Sipas administratorit Gjergji Ndoci, ky projekt është një mundësi jo vetëm për kryeqytetin, por të gjithë fëmijët në vend.
“Do ti japim mundësinë publikut, fëmijëve, të kenë mundësi të stërvitjen me trajnerët e Cityt, që është një dhuratë e bukur për këdo që ka dëshirë futbollin, si dhe mezi presim nisjen e sezonit”, tha Ndoci.
“Dyrrah City akademi” është një bashkëpunim i qeverisë shqiptare me City group që në pronësi ka disa skuadra të njohura, mes tyre dhe kampionët aktual të Evropës, Manchester City.
LEXONI GJITHASHTU:
Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve
Ali Ahmeti për protestën në Tiranë: Shqipëria po merr goditje të forta në turizëm dhe ekonomi
E rëndë në Kavajë, u godit me thikë nga vëllai, humb jetën një person
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve