Nis punën komisioni për reformën territoriale, PD: Duhet riparë me themel

Ka nisur mesditën e së mërkurës mbledhja e parë e komisionit të posaçëm te reformës administrativo-territoriale.

Komisioni bipartizan drejtohet nga Anila Denaj e PS dhe Dhurata Çupi e PD.

Sipas Denajt, ndarja administrative ka ndihmuar ne rritjen e efiçencës së pushtetit vendor. Për deputeten demokrate, reforma territoriale është një dështim, ndaj duhet riparë me themel me qëllim decenetralizimin e mëtejshëm.

“Nuk i mbajtën parasysh dy parakushte në 2014 kur u miratua reforma; që janë moskonsultimi me qytetarët dhe pa konsensusin e opozitës”, tha Çupi.

Në rendin e ditës së mbledhjes së parë është konstituimi i komisionit dhe caktimi i sekretarit.

Për këtë çështje, një ditë më parë grupi parlamentar i PD zhvilloi një mbledhje ku vendosi që gjatë keëtij muaj të evidentojë problematikat që lidhen me ndarjen administrative dhe në fund të korrikut kjo forcë politike të paraqesë propozimet konkrete për hartën e re territoriale.

Për të marrë ekspertizën në këtë fushë PD ka miratuar edhe dy eksperte që janë Agron Haxhimali dhe Roland Bejko.

LEXONI GJITHASHTU:

• Zvicra na jep 100 mln euro, paratë për reforma në shëndetësi dhe ekonomi
• Komisioni i reformës territoriale, PD mbledh grupin parlamentar