Nis seanca e konstituimit të Kuvendit të Kosovës, kërkohet votim i fshehtë

Seanca e Kuvendit të Kosovës ka nisur sot me një vonesë prej më shumë se 30 minutash, ndonëse ishte caktuar të fillonte në orën 10:00.

Bëhet fjalë për tentativën e nëntë për konstituimin e legjislaturës së nëntë, pas disa dështimeve radhazi për zgjedhjen e kryetarit të Kuvendit dhe strukturave të tij udhëheqëse.

Ndërkohë, Kryesuesi i seancës konstituive, Avni Dehari propozoi votim të fshehtë për zgjedhjen e kryetarit të Kuvendit.

“Me qëllim të hapjes rrugë për zhbollikim e procesit, konsideroj që forma e duhur që mund t’i hapë rrugë konstituimit të Kuvendit është votimi në mënyrë të fshehtë me vletëvotime fizike”.

Ende nuk dihet nëse pas takimit të kryetarit të Lëvizjes Vetëvendosje, kandidat për kryeministër i koalicionit me Guxo dhe Alternativa, Albin Kurti dhe kryetarit të PDK-së, Memli Krasniqi, do të ndërrojë emri i të propozuarës për kryeparlamentare, Albulena Haxhiu.

LEXONI GJITHASHTU:

• Dështon seanca e tetë e Kuvendit të Kosovës, Haxhiu vazhdon të refuzohet si Kryetare
• Kurti takon Krasniqin para seancës së radhës për konstituimin e Kuvendit