Nis veprimtarinë Prokuroria e vetme e Apelit, kush do të jetë drejtuesi

Sot në datën 01 shkurt 2023, në zbatim të Hartës së Re Gjyqësore të miratuar për sistemin gjyqësor, së bashku me Gjykatën e Apelit Tiranë, filloj zyrtarisht nga aktiviteti edhe Prokuroria e Apelit pranë Gjykatës së Apelit të Juridiksionit të Përgjithshëm Tiranë.

Në këtë mënyrë u riorganizuan, zyrat e Prokurorive të Apelit në Tiranë, Korçë, Gjirokastër, Durrës, Vlorë dhe Shkodër. Numri aktual i kësaj Prokurorie është 13 prokurorë ku 10 prej tyre janë me emërim dhe tre janë me caktim të përkohshëm. Numri total i përcaktuar për funksionimin e saj është 26 prokurorë. Pas disa muajsh është menduar nga Këshilli i Lartë i Prokurorisë të hapet një garë për plotësimin e disa vakancave të përhershmë për këtë strukturë.

Drejtues i kësaj prokurorie do vazhdoj të jetë drejtuesi aktual i ish-Prokurorisë së Apelit Tiranë Gent Xholi i zgjedhur me një mandat tre vjeçar.

Me rastin e fillimit të veprimtarisë, sot në ambjentet e Prokurorisë u zhvillua një ceremoni ku morën pjesë Kryetari i Këshillit të Lartë të Prokurorisë, Alfred Balla, Kryetarja e Komisionit të Vlerësimit të Veprimtarisë Etike dhe Profesionale në KLP, zonja Nurihan Seiti dhe Prokurori i Përgjithshëm zoti Olsian Çela. Ata i uruan suksese strukturës së re dhe ndanë me prokurorët problematikat që ka shkalla e dytë e prokurorisë në vend.

LEXONI GJITHASHTU: 

• Nis punën Gjykata e Apelit e Juridiksionit të Përgjithshëm në Tiranë
• Nga sot vetëm një Gjykatë Apeli, 32 mijë dosje në pritje
• Avokati Ramaj: Janë shkarkuar 50-60 % e gjyqtarëve nga Vettingu