Nis vizita e Ramës në Shkup, pritet nga homologu Kovaçevski

Kryeministri Edi Rama ka mbërritur në Shkup mëngjesin e kësaj të enjteje në kuadër të turit të tij në vendet e Ballkanit Perëndimor për përgatitjet për Procesin e Berlinit.

Ai u mirëprit nga homologu Dimitar Kovaçevski.

Pas vizitës në Maqedoninë e Veriut, Rama niset për Kosovë, aty ku ka të konfirmuar një takim me Vjosa Osmanin dhe Glauk Konjufcën, ndërsa me Albin Kurtin ende nuk ka një konfirmim.

Kryeministri e kishte vendosur në agjendë takimin me Kurtin edhe pse ky i fundit kushtëzoi që takimi mes tyre të ndodhë vetëm në një mbledhje të përbashkët të dy qeverive.

Në datën 7 korrik, Rama do të vijojë turin e tij në Bosnjë Hercegovinë, më pas në Malin e Zi dhe e përfundon me Serbinë.

LEXONI GJITHASHTU:

• Kurti i vendosi kushte, Rama: Presim konfirmim për takimin, i firmosëm marrëveshjet
• Rama sot në Kosovë, priten takime me Osmanin dhe Konjufcën