Nisma Shqipëria bëhet hap fushatën nga Vlora, Lapaj: 11 maji dita kur çajmë sistemin

Koalicioni Nisma Shqipëria Bëhet ka çelur mbrëmjen e së shtunën zyrtarisht fushatën elektorale me një miting në Vlorë.

Kreu i këtij koalicioni Adriatik Lapaj tha se qëllimi i nismës së tyre është të sjellë ndryshimin duke çarë sistemin për t’i dhënë fund klasës së vjetër politike.

Ai u bëri thirrje qytetarëve, veçanërisht rinisë, që të bëjnë një zgjedhje të rëndësishme për të shpëtuar vendin nga dështimet e klasës politike aktuale.

“Jam këtu për të folur për ndryshimin, ne kemi një program që ka në themel familjen shqiptare, ekonominë, arsimin, rendin, sigurinë, luftën kundër krimit të organizuar. 11 maji është dita kur duhet të votoni kundër, më besoni nuk është një ditë e zakonshme, o do të lindë shpresa ose do ikin 500 mijë shqiptare, kur duhet të votojmë ndryshimin për të rikthyer shpresën, se nëse në 12 maj klasa politike do vazhdojë të jetë kjo që është sot, shumë të rinj do binden që ky vend nuk bëhet dhe do marrin rrugën e emigrimit”, tha Lapaj.

LEXONI GJITHASHTU:

• Padia e Lapajt/ Shehaj e ironizon duke nxjerrë prova të reja (VIDEO)
• Futi babain në listën e sigurt, Adriatik Lapaj sqaron si do bëhet renditja