Nismëtarja e peticionit për mësim pa turne: Ka prindër të pakënaqur me vendimin e ministrisë

Iva Çaushaj, nismëtare e peticionit të prindërve tha se peticioni për zhvillimin e mësimit me orët e plota do të dorëzohet sot në orën 10:00 në ministrinë e Arsimit.

“Është fitore për ne. Unë sot madje dua që t’iu uroj nxënësve dhe mësuesve fillimin e vitit të ri shkollor, atij të vërtetit, ashtu siç duhet të ishte,” – tha ajo.

Pas plotësimit të kërkesës së prindërve, Çaushaj komentoi se jo të gjithë kanë pasur qëndrim pozitiv. Disa prej tyre kishin sistemuar fëmijët në oraret përkatëse dhe kishin organizuar dhe ditën e tyre, andaj rikthimi i mësimit pa turne u pa si diçka jo pozitive.

Nga ana tjetër sipas saj tek pritja e lajmit jo si “fitore” ndikon edhe mbingarkimi i klasave apo frika e infektimit të fëmijëve. Nismëtarja e peticionit theksoi se nuk është e bindur për normat e duhura të dizinfektimit nga turni në turn, arsye kjo që justifikon se përse klasat me nxënës nuk duhet të shihen si shumë problematike.

LEXONI GJITHASHTU: 

• Peticion online për orët e shkurtuara, gazetarja Keta: Viti tretë që nuk bëhet mësim
• Mësimi me turne, vështirësi për prindërit
• ‘Nuk shkëputemi dot nga puna dy herë në ditë’, prindërit ankohen për mësimin me turne