“Një dasmë e hatashme” në Tiranë, dramë-komedia vijon të korrë sukses

Shfaqja teatrore “Një dasmë e hatashme” po shfaqet për publikun e kryeqytetit në teatrin veror pranë Liqenit Artificial.

Me aktorë ikonë të skenës së teatrit si Mariana Kondi, Jualian Deda dhe aktorë të rinj të spikatur si Ermira Hysaj, Fatma Haxhialiu, Engjell Hoxha dhe Denisa Dema, shfaqja e shkruar nga Robin Howdon dhe e drejtuar mjeshtërisht nga Kiço Londo synon t’i dhurojë publikut shumë të qeshura.

Është një komedi angleze, mesazhi i së cilës është dashuria, përplasjet, intrigat dhe gjërat që ndodhin për të arritur dashurinë e vërtetë.

Kiço Londo i ngacmuar nga linja e dashurisë së komedisë i ka besuar komedinë jo vetëm emrave të njohur, por edhe aktorëve të rinj që janë surprizues për publikun.

“Kiço le të themi që është një njeri që di te spikasë, di të krijojë grupin e duhur për veprën që ai do të vendosi. Të gjithë ne kemi shumë kimi me njëri tjetrin,” – tregoi aktorja Denisa Demaj.

“Një dasmë e hatashme” është ndoshta shfaqja më e njohur e Robin Hawdon, me disa qindra produksione në mbarë botën.

Kjo dramë-komedi britanike ka mbledhur publikun shqiptar për plot 34 herë.

LEXONI GJITHASHTU:

• Festivali i Komedisë në Korçë/Kokofest bën bashkë ikonat e teatrit e filmit shqiptar
• Amfiteatri i Durrësit i mbushur plot më shikues vendas dhe të huaj