Një ditë para takimit me Vuçiç, Kurti merr letër nga Macron, Scholz dhe Meloni

Kryeministri i Kosovës, Albin Kurti, ka pranuar një letër të përbashkët nga presidenti i Francës Emmanuel Macron, kancelari i Gjermanisë Olaf Scholz dhe kryeministrja e Italisë Giorgia Meloni, në lidhje me takimin e nesërm në Bruksel dhe propozimin evropian.

Në këtë letër ata kanë mirëpritur deklarimet publike të kryeministrit Kurti sa i përket propozimit Evropian.

“Presidenti Macron, Kancelari Scholz dhe Kryeministrja Meloni janë shprehur të bindur se konkludimi dhe zbatimi i propozimit Evropian, është me rëndësi thelbësore për përfitimin e përgjithshëm të qytetarëve të Republikës së Kosovës, për paqen dhe zhvillimin prosperues të rajonit dhe për përparimin e perspektives Evropiane të vendit”, thuhet në letër.

LEXONI GJITHASHTU: 

• Aksidenti i autobusit me targa shqiptare në Kroaci, identifikohen të plagosurit
• Qarkullonin me armë zjarri me vete, 3 të arrestuar në Tiranë