Një makinë përplaset me turmën në paradën e Liverpulit pasi fitoi Premier League

Një makinë u përplas me një turmë njerëzish që po festonin titullin e këtij viti të Liverpoolit në Premier League në paradën, e cila u drejtua nga futbollistët e atij klubi në çatinë e autobusit, raportoi Times.

Policia bllokoi rrugën pas incidentit dhe deri më tani nuk dihet nëse ka të lënduar.

“Aktualisht po merremi me raportime për një aksident trafiku në qendër të qytetit të Liverpulit. Na kontaktuan pak pas orës 18:00 sot pas raportimeve se një makinë kishte goditur një numër këmbësorësh në Water Street”, tha një zëdhënës i policisë së qytetit.

Ai tha se makina u ndal në vendngjarje dhe se një burrë u mor në paraburgim.

Shërbimet e emergjencës janë aktualisht në vendngjarje.

Parada e fitores ndoqi një itinerar prej 16 kilometrash, disa rrugë u mbyllën për shkak të ngjarjes dhe Këshilli i Qytetit të Liverpulit i këshilloi fuqimisht njerëzit të mos ngasin automjete në atë drejtim.

LEXONI GJITHASHTU:

• Të shtëna në Liverpul, vdes një 9-vjeçare
• Bajerni i Mynihut arrin marrëveshjen me Liverpul për transferimin e Sadio Mane