Një mision në Ukrainë, Zelensky dhe Guterres bien dakord për detajet

Presidenti ukrainas Volodymyr Zelensky deklaroi të enjten se ai ra dakord me Sekretarin e Përgjithshëm të Kombeve të Bashkuara, Antonio Guterres mbi detajet e një misioni të mundshëm të Agjencisë Ndërkombëtare të Energjisë Atomike (IAEA) në termocentralin bërthamor të Zaporozhye.

Gjithashtu, vizita e delegacionit në objektin bërthamor “duhet të kryhet në mënyrë legjitime”, përmes territoreve që janë të lira nga trupat ruse, raportoi TASS.

Më herët, Zelenski tha në një bisedë me Sekretarin e Përgjithshëm të OKB-së Antonio Guterres në Lviv se Organizata Botërore “duhet të sigurojë sigurinë e termocentralit bërthamor të Zaporozhye”.

Ai theksoi se për këtë arsye OKB-ja duhet të sigurojë këtë objekt strategjik dhe duhet të kujdeset për çlirimin e plotë të tij nga trupat ruse, transmeton Reuters.

Zelensky tha se është biseduar edhe për marrëveshjen ushqimore dhe se është rënë dakord që të vazhdohet koordinimi në realizimin e iniciativës së grurit.

LEXONI GJITHASHTU:

• Zelensky: Rusia po shantazhon botën përmes centralit atomik