Kryeministri i vendit, Albin Kurti ka deklaruar se Kosova synon ta padisë Serbinë për gjenocid, por as 4 vjet pas mandatit, një padi e tillë nuk është hartuar.

Zyrtarë qeveritarë thonë se janë duke punuar në këtë drejtim por që nuk mund të jepen detaje për shkak çështja shihet si diçka e ndjeshme. Nga ana tjetër, në Kosovë ka skepticizëm se një premtim i tillë do të mund të realizohet.

Mbi 13 mijë civilë të vrarë, mbi 6 mijë të zhdukur – prej tyre rreth 1.600 vazhdojnë të jenë të pagjetur, e më shumë se 800.000 persona të zhvendosur gjatë luftës së viteve në 1998-1999 në Kosovë. Serbia vazhdon t’i mohojë krimet që i ka kryer në Kosovë.

Ministrja e Drejtësisë, Albulena Haxhiu thotë se janë duke punuar për padinë për gjenocid dhe se janë në konsultime me ekspertë.

Por sipas profesorit të së drejtës kushtetuese, Arsim Bajrami, qeveria e ka kuptuar që ky është një proces kompleks.

“Kosova duhet të padisë Serbinë për gjenocid kur është e sigurt se do ta fitojë rastin” thotë Arsim Bajrami.

Paditë për gjenocid ngrihen pranë Gjykatës Ndërkombëtare të Drejtësisë – institucionit që vendos për mosmarrëveshjet në mes të shteteve. Në GJND mund të iniciojnë procedura vetëm shtetet që janë anëtare të Organizatës së Kombeve të Bashkuara (OKB).

LEXONI GJITHASHTU:

• Rreziku nga Rusia, Meliza Haradinaj: Perëndimi të pranojë sa më parë Kosovën në NATO
• ​BE: Procesi zgjedhor në Kosovë të jetë transparent, i besueshëm dhe pa ndërhyrje