Banorët e qytetit Bucha në Ukrainë janë trajtuar më keq se kafshët nga ushtarët rusë.
Kështu deklaroi Zelenksi gjatë një vizite në Bucha, qytet në të cilin forcat ruse janë akuzuar për masakrën e civilëve.
Pavarësisht vuajtjeve njerëzore atje, ai u tha gazetarëve se banorët po silleshin në mënyrë humane me kafshët, duke iu gjetur strehë dhe duke i ushqyer.
Mirëpo ushtarët rusë, sipas Zelenskit, sillen në mënyrë jo humane edhe me njerëzit.
“Ju mund të shihni se çfarë i është bërë këtij qyteti modern. Kjo është një karakteristikë e ushtarëve rusë – të trajtojnë njerëzit më keq se kafshët. Ky është gjenocid i vërtetë”, tha Zelenski.
Gjatë fjalimit, Zelenski e fajësoi Rusinë për “zvarritje” të bisedimeve për paqe në Turqi, duke thënë se kjo vetëm do ta përkeqësonte situatën në terren.
Moska, nga ana tjetër, ka mohuar të ketë shënjestruar civilët gjatë pushtimit të saj.
LEXONI GJITHASHTU:
- Ekskluzive | Politologu nga Ukraina tregon se ka parë masakrat në Bucha
- Macron kërkon më shumë sanksione ndaj Rusisë për masakrën në Bucha
- Moska nis hetimet për ‘Bucha-n’: Inskenim për të diskredituar ushtrinë ruse
