Aksidenti ku humbi jetën 9-vjeçari në Bërxullë, njëri nga shoferët ishte i dehur

Policia arrestoi 2 drejtuesit e mjeteve që shkaktuan aksidentin ku humbi jetën një i mitur një ditë më parë në Bërxullë.

Në pranga ra shtetasi N. A., 63 vjeç, banues në Kodër Kamzë, dhe E. H., 30 vjeç, banues në Paskuqan.

Policia bëri me dije se 63-vjeçari ka qenë në gjendje të dehur teksa duke drejtuar automjetin tip “Toyota”, është përplasur me automjetin tip “Dacia”, me drejtues shtetasin E. H.

Nga përplasja automjeti tip “Toyota” ka dalë nga rruga dhe është përplasur me murin e një lokali duke aksidentuar një shtetas të mitur 9-vjeçar. I mituri nga dëmtimet e marra ka ndërruar jetë në vendngjarje.

LEXONI GJITHASHTU:

• Aksidenti i rëndë ku humbi jetën 7-vjeçari, arrestohen shoferët e dy mjeteve
• Shkaktoi aksidentin me 1 viktimë dhe 6 të plagosur, arrestohet 21-vjeçari