“Njoh gra që s’e kanë parë detin kurrë”, fermerja: S’kanë ekonomi për pushime

Fermerja Rigerta Loku ishte e ftuar këtë të mërkurë në “Summer Cube” në Euronews Albania  për të folur për pushimet verore.

Ajo tha se gratë në zonat malore e kanë shumë të vështirë të shkojnë me pushime pasi mundësitë ekonomike nuk ua lejojnë këtë gjë.

“Kur të gjejmë një stil apo mënyrë që të marrim të gjitha punët me vete dhe lopët me vete, atëherë do themi se pushimet janë më të aksesueshme. E para është aspekti ekonomik, e dyta është fakti se gratë në zonat rurale janë edhe më të varfëra edhe pse punojnë ndoshta më shumë se të tjerat.

Ato plazhin ndoshta se kanë parë asnjëherë. Unë njoh gra që jetojnë rreth meje, të cilat nuk e kanë parë detin asnjëherë e jemi vetëm 45 kilometra larg detit”,-tha Rigerta Loku.

LEXONI GJITHASHTU:

• Si të shmangim abuzimet me pronat? Avokati: Për sa kohë drejtuesit s’ndëshkohen…
• Përfundon mbledhja e Asamblesë së PS, zbulohet ‘porosia’ e Ramës