Njohja e pasaportave ilegale të Serbisë shkakton tensione në qeverinë e Kosovës

Qeveria e Kosovës është shprehur e zhgënjyer me vendimin e marrë nga Bashkimi Evropian në lidhje me “liberalizimin e vizave” për mbajtësit e pasaportave ilegale të lëshuara nga autoritetet serbe, për qytetarët serb të Kosovës.

Klisman Kadiu, këshilltar i zëvendëskryeministri Besnik Bislimi, në një reagim për mediat e Kosovës ka theksuar se ato pasaporta nuk do të njihen nga institucionet kosovare.

“Këshilli  i Bashkimit Evropian ka marrë vendimin që t’i heq vizat qytetarëve serbë të Kosovës që posedojnë pasaporta që i lëshon Drejtoria Koordinuese Serbe, e cila për autoritetet e Kosovës, konsiderohet institucion ilegal.” –tha ai.

Megjithatë, kritikat dhe argumentet e Kosovës nuk u morën parasysh nga institucionet e Bashkimit Evropian, duke përfshirë Komisionin, Parlamentin dhe Këshillin e BE-së.

LEXONI GJITHASHTU:

• Kosovë| AUV rrit kontrollin ndaj produkteve të shpendëve që importohen nga Brazili
• Shpërthim në afërsi të Liqenit të Ujmanit në Kosovë, çfarë raportohet