Noka mbështet komunistët me firmë, Logu: E kam mik, por më zhgënjeu. Veprim pa moral

Me pozicion si sekretar i përgjithshëm i Partisë Demokratike të Rithemeluar që drejtohet nga Sali Berisha, Flamur Noka ka firmosur një dokument ku vetëdeklarohet si deputet i Partisë Fronti i Majtë që kandidon për bashkinë Tiranë, Marko Dajtin.

Sipas avokatit Besart Logu një veprim i tillë është pa moral dhe pavarësisht se e ka mik, Noka e zhgënjeu.

“Në thelb është një lëvizje pa moral politik. Nëse do të shohim qëndrimet në vite të zotit Dajti ndaj Partisë Demokratike, e ka etiketuar si parti fashiste, një fjalor tipik komunist shumë i vjetëruar që vjen sot si alternativë dhe për më tepër ndihmohet nga deputetë të Partisë Demokratike.

Unë zotin Noka e njoh personalisht, e kam mik, por më zhgënjeu. Të paktën ky person nuk duhet të ishte, çdo deputet tjetër duhet të ishte, zoti Noka jo,” – u shpreh Logu.

LEXONI GJITHASHTU:

• Noka firmos për komunistët, kreu i PD Pogradec: Llogari zgjedhore e pranueshme
• Flamur Noka: 3 gjyqtarët që i dhanë vulën Alibeajt, janë kërcënuar me jetë