Kandidati për kryetar Bashkie të Tiranës Belind Këlliçi ka debatuar me deputetin e PS Arben Pëllumbi për zgjedhjet lokale, ku politikani demokrat komentoi dhe deklaratën e kryeministrit Edi Rama ditën e djeshme, i cili tha se ‘Erion Veliaj do të shpartallojë pjellët e pseudo-primareve’.
I ftuar në emisionin “Rinon” në Euronews Albania, Këlliçi ironizoi duke thënë se PS nuk di se kur mblidhet struktura, deklaratë të cilës iu përgjigj dhe Pëllumbi.
Pjesë nga debati:
Pëllumbi: Unë do mbështesë këdo kandidat për Bashkinë e Tiranës, por ne jemi duke punuar me në krye Erion Veliajn. Do mblidhen strukturat për ta zyrtarizuar.
Këlliçi: Rama në daljen e tij tha se Erion Veliaj do të shpartallojë çdo pjesë të dalë nga primaret. Ne që bëjmë primaret dhe që u japin mundësi anëtarëve që të zgjedhin vetë jemi pjellë e një pseuodo procesi dhe këta që nuk dinë se kur mblidhen strukturat dhe a e kanë apo nuk e kanë Erion Veliajn kryetar e quajnë arritje.
Pëllumbi: E dimë shumë mirë kur mblidhen strukturat tona. Struktura mblidhet sipas kodit zgjedhor për të shpallur zyrtarisht kandidaturat.
Këlliçi: E shpalli Rama dje, ti e di shumë mirë se në PS nuk bëhen zgjedhje brenda partisë.
LEXONI GJITHASHTU:
- Të rinjtë do të përfaqësojnë vetëm 15% të popullsisë së BE-së deri në vitin 2050
- Çfarë do u ofrojnë PD e PS të rinjve nëse marrin Bashkinë e Tiranës?
