“Nuk duam luftë”, Haçkaj: Diaspora shqiptare duhet të votojë, ose do ketë penalitete

Florian Haçkaj, nga lëvizja Diaspora për Shqipërinë e Lirë tha për Euronews Albania se ende ka kohë që të miratohet ligji për votimin e Diasporës.

Ai tha se idealisht kjo do duhej të ndodhte deri në datë 12 janar, por edhe pas kësaj date mund të ketë ende kohë, ndërsa shtoi se nëse bëhen zgjedhje të parakohshme ato do jenë padiskutim antikushtetuese.

“Kohë që të bëhet ka. Idealisht duhet që deri në 12 janar të jetë postuar në fletoren publike. Gjasat janë që nuk do ndodhi, pasi hera tjetër që do mblidhet parlamenti është nga janari. Gjasat janë shumë vështirë të ndodhi, por kohë ka ende. Mund të letë kohë edhe 2-3 muaj më pas. nëse ka zgjedhje të parakohshme, ato do jenë antikushtetuese.

Duhet parë se si do veprojnë partitë, por edhe Gjykata kushtetuese. Se ka edhe masa, se sipas Gjykatës, zonja Lindita Nikolla, si Kryetare Kuvendi mban përgjegjësi personale penale nëse nuk zbatohet. Ka një neni 81 më duket, e kemi parë me juristë, por ne nuk duam ta eskalojmë se nuk kemi për qëllim të bëjmë luftë, kemi për qëllim të zgjidhet çështja”,-tha Florian Haçkaj.

LEXONI GJITHASHTU:

• Vota e emigrantëve/ Diaspora për Shqipërinë e Lirë dorëzon draftin në Kuvend
• ‘Diaspora si zonë e veçantë elektorale’, Berisha: Rama fyen shqiptarët