“Nuk duhet të lëshohet pe”- Krasniqi: Jo kompaktësi territoriale serbe në Kosovë

Analisti kosovar Agim Krasniqi, ishte i ftuar këtë të premte në Euroneës Albania, ku komentoi dialogun mes Kosovës dhe Serbisë dhe përpjekjet e ndërkombëtarëve për të arritur marrëveshjen finale mes dy vendeve.

Krasniqi tha se Prishtina nuk duhet të lëshojë pe dhe se nuk duhet të pranojë në asnjë mënyë një asociacion njëetnik, që krijon një bashkësi kompakte territoriale serbe brenda Kosovës, e cila mund të shkëputet një ditë.

Analisti tha se faktori ndërkombëtar, veçanërisht ai evropian, nuk janë të interesuar për interesin e shqiptarëve, por kërkojnë vetëm realizimin e qëllimeve të tyre që përputhen me interesat e tyre.

“Komuna të caktuara ta krijojnë një bashkësi funksionale për çështje të interesit të përgjithshëm të qytetarëve të atyre komunave, ne nuk e parandalojmë një gjë të tillë, por jo një asociacion njëetnik. Një asociacion që të krijojë lidhje dhe nje kompaktësi territoriale brenda Kosovës e cila në një moment të caktuar do të shkëputet. Serbët prapë çfarëdo t’u ofrojmë ne ata prapë do të jen pengesë e normalitetit të shtetit të Kosovës. Sepse ne jemi mësuar me ta dhe fare nuk duhet t’u lëshohet pe në këtë rast. Faktori ndërkombëtar, sidomos atyre evropian nuk ju intereson interesi i shqiptarëve, por u interesojnë interesat e tyre. Ata duan të realizojnë interesat e tyre në rajon përmes shqiptarëve”, tha Krasniqi.

LEXONI GJITHASHTU:

• Kurti kërkon mbështetjen e Turqisë, takon sot Erdogan
• Deputetja: Ne mirëpritëm planin franko-gjerman, Kurti e zvarriti
• Gazetari: I kemi harruar kushtet që Kurti propagandonte për t’u ulur ne bisedime