Gazetari: I kemi harruar kushtet që Kurti propagandonte për t’u ulur ne bisedime

Gazetari Lirim Mehmetaj tha në një intervistë për Euroneës Albania se për të mos i lënë vend fantazisë mund të kujtojmë çfarë ka bërë Kurti në të kaluarën në mënyrë që të kuptohet dhe Kurti i të ardhmes.

“Duhet ta kemi parasysh, jo për të arritur marrëveshje me Serbinë, as për të dialoguar, por vetëm për t’u takuar kryeministri i Kosovës, Albin Kurti, për sa kohë ka qenë në opozitë thoshte se janë 5 lloje kushtesh që duhet të plotësohen në mënyrë që të takohemi,” – tregoi Mehmetaj.

Sipas tij, sot, ato kushte jo vetëm që nuk kërkohen, por janë harruar.

Disa nga kushtet ishin që: Serbia të kërkojë falje, të pagjeturit që gjenden në varrezat masive në Serbi të kthehen në Kosovë, Serbia të paguajë dëmet e luftës dhe Serbia të kthejë gjithçka ka vjedhur.

“Këto kushte ishin për t’u takuar, jo për të arritur marrëveshje, e këto kushte sot nuk i di më askush,” – u shpreh Mehmetaj.

LEXONI GJITHASHTU:

• Çfarë dokumentesh kërkoi FBI-ja në shtëpinë e Biden? Gazetarja jep detaje
• Kurti tregon kushtet për të pranuar asociacionin