Presidenti i Republika Sërpska në Bosnje e Hercegovinë, Millorad Dodik, u shpreh se Bosnja Hercegovina nuk e ka njohur Republikën e Kosovës dhe se për këtë arsye, nuk mund t’i njohë as dokumentet e saj.

Kjo deklaratë e Dodikut vjen pak kohë pasi kryeministri Albin Kurti deklaroi nga Samiti i Berlinit se Kosova do t’i heqë vizat për qytetarët e BeH-së nga 1 janari i vitit të ardhshëm.

Ndërkaq, i dërguari special i qeverisë gjermane për Ballkanin Perëndimor, Manuel Sarrazin, deklaroi se përderisa Dodiku nuk i lejon shqiptarët e Kosovës të hyjnë në BeH, nuk do të marrë asgjë në këmbim.

“Edhe po të ma japësh gjithë Gjermaninë, këtë nuk do ta marrësh. Ju ende mund të vini të merrni satelitët tuaj. Ata vazhdojnë të përpiqen të na japin leksione. Nuk funksionon kështu”, tha Dodiku në një konferencë për shtyp në Sarajevë.

Bosnje- Hercegovina është i vetmi vend në Ballkanin Perëndimor që nuk ka marrëveshje për lëvizje të lirë me Kosovën.

LEXONI GJITHASHTU:

• Shpallet rezultati i zgjedhjeve në Bosnjë, Dodik fiton bindshëm në Republikën Srpska
• Dodik reagon pas vizitës së kreut të CIA në Bosnjë