“Nuk ka më fitore në tavolinë”, Leonard Olli: Me këto shifra nuk dihet fituesi

Gazetari Leonard Olli i ftuar në “Barometri” në Euronews Albania tha se popullariteti i kandidatit të koaliocionit “Bashkë fitojmë”, për Bashkinë e Tiranës, Belind Këlliçi është rritur.

Sipas tij pavarësisht se në sondazhin e bërë nga “Barometri”, ka diferencë të konsiderueshme të atyre që janë shprehur se do votojnë për Erion Velinë (42.1%) në krahasim me ata që janë shprehur se do votojnë Belind Këlliçin (28.7%), kryebashkiaku aktual nuk e ka të sigurt fitoren. Sipas Ollit ekziston mundësia që Belindi të rritet më shumë gjatë fushatës.

“Ne shikojmë trendin, lexojmë reagimin e qytetarëve. Në momentin që qytetarët e Tiranës kanë gjetur pikën e tyre të përfaqësimit, apo orientimit, e kanë kaluar pjesën e asaj që nuk di apo nuk njoh.

Pra të pakënaqurit edhe pa ngjyrime politike, kanë filluar të besojnë te zoti Këlliçi. Prandaj e theksoj se kjo është diçka pozitive për Këlliçin. Palët duhet të lexojnë mirë sondazhin. Nuk ka më ka fituar dhe e ka të mbyllur Tiranën, Erioni. Me këto lëvizje, sda marr unë vesh nga shifrat nuk është e mbyllur”,-tha Leonard Olli.

LEXONI GJITHASHTU:

• Cilën parti do të votojnë qytetarët në 14 maj
• Për kë do të votojnë qytetarët e Tiranës në 14 maj
• Heqja e “20% për shqipen”, Osmani: Mos ta kushtëzojmë me njohjen e pakicës bullgare