“Nuk ka pacientë të lënduar”, Spitali i Shkodrës: Shërbimi vazhdon pa ndërprerje

Pas zjarrit që përfshiu një nga dhomat e pacientëve në shërbimin e Pneumologjisë, ka reaguar dhe Spitali Rajonal Shkodër. Sipas deklaratës së tyre nuk ka pacientë të lënduar nga zjarri, ndërkohë po merren masa për riparimin sa më të shpejtë të ambienteve spitalore.

“Spitali Rajonal Shkodër bën me dije se në orën 6:45 të mëngjesit të sotëm, ka ndodhur një incident, ku ka rënë zjarr në njërën prej dhomave të pacientëve në Shërbimin e Pneumologjisë.

Pacientët janë evakuuar në kohë dhe nuk ka patur të lënduar.

Zjarri është shuar menjëherë, duke mos lejuar përhapjen në dhomat e tjera.

Spitali Rajonal i Shkodrës siguron se shërbimi vijon pa ndërpreje teksa po merren masa të menjëherëshme për riparimin e ambientit ku ka ndodhur incidenti”,-thuhet në deklaratën e spitalit.

LEXONI GJITHASHTU:

• Zjarr në spitalin e Shkodrës, ndërhyjnë forcat zjarrfikëse
• “Bëhu burrë!”, Rusia inkurajon qytetarët t’i bashkohen ushtrisë